കുത്തിയോട്ടം: പദകോശം

പുസ്തകം 

കുത്തിയോട്ടം 

അനുഷ്ഠാനത്തിനൊരു 

പദകോശം 

ദക്ഷിണകേരളത്തിലെ ദേവീക്ഷേത്രങ്ങളിൽ നടത്താറുള്ള ഒരനുഷ്ഠാനമാണ് കുത്തിയോട്ടം. പഴയ ഓടനാട്ടിലാണ് ഇതിന് കൂടുതൽ പ്രചാരം. ചെട്ടികുളങ്ങര, ആറ്റുകാൽ ക്ഷേത്രങ്ങളിലെ കുത്തിയോട്ട വഴിപാടുകൾക്ക് അഖിലേന്ത്യാ പ്രസിദ്ധിയു ണ്ട്. ഈ അനുഷ്ഠാനം മലയാളകാവ്യശാഖയ്ക്ക് നൽകിയ സംഭാവനയാണ് കുത്തിയോട്ടപ്പാട്ടുകൾ. കുത്തിയോട്ടപ്പാട്ടുകളിൽ ദേശ്യഭേദങ്ങളുണ്ടെങ്കിലും ബലിയുടെ പ്രതീകമായി അത് നിലകൊള്ളുന്നു. ഹരികുമാർ ഇളയിടത്തിന്റെ കുത്തിയോട്ടത്തിന്റെ പദകോശം ഈ അനുഷ്ഠാനത്തെ അടുത്തറിയാൻ ഉപകരിക്കും. കുത്തിയോട്ട സാഹിത്യത്തെയും ആവേദകരുടെ മൊഴികളെയും ആധാരമാക്കിയാണ് ഈ പദകോശം തയ്യാറാക്കിയിട്ടുള്ളത്. തികച്ചും അനുമോദനാർഹമായ വൈജ്ഞാനികകർമ്മമാണിത്. വിപുലമായ പഠനങ്ങൾക്കും അന്വേഷണങ്ങൾക്കും പ്രേരണ നൽകുന്നു, ഓരോ പദകോശവും.  മിതവും സാരവത്തുമായിരിക്കണം പദകോശത്തിലെ ഭാഷ. ഹരികുമാർ ഇളയിടത്തിന്റെ പദകോശം ഇകാര്യത്തിൽ നമ്മെ നിരാശപ്പെടുത്തുന്നില്ല.

പ്രൊഫ. ഡോ. നടുവട്ടം ഗോപാലകൃഷ്ണൻ